Бојан Стојаноски од ВМРО-ДПМНЕ денеска во изјава за медиумите кажа дека владатана СДСМ продолжила да ја скандализира македонската јавност и дека Заев во владата собирал лица од целиот регион фетени во извршување на кривично дело и мислел на тој начин да ја води државата.
-Зоран Башановиќ е новиот специјален економски советник на Зоран Заев, кој во итна постапка доби македонско државјанство, а е човек кој зад себе има досие на човек апсен за кражби во САД. Башановиќ е класичен клептоман, тоа го потврдува фактот што тој како познат бизнисмен, естраден менаџер и сопственик на телевизија, се впуштил себе си во кражба на ќебиња во Флорида, во вредност од 1.050 долари, изјави Стојаноски.
Според него, во случајот на Башановиќ било повеќе од јасно дека не станува збор за кражба од сиромаштија, туку за класична клептоманија и нагон за кражба.
-Јавноста се прашува во што тоа Башановиќ ќе го советува Заев? Дали можеби Заев е импресиониран од неговите способности и фат, па мисли дека токму тој е вистинскиот човек кој ќе го советува како треба да работи. Заев со поставувањето на ликови како Башановиќ упатува јасна порака до јавноста како планира да работи идната Влада, рече Стојаноски.
Како што кажа тој, граѓаните на Република Македонија сакале нивната влада чесно да работи за нивно добро, а не да мисли како од нив да украде.
– Заев и СДС заради ваквата неодговорност и неспособност ќе се соочат со политичка одговорност на следните локални избори и ќе бидат целосно делегитимирани од страна на граѓаните, рече Стојаноски.