„СДС ги излажа граѓаните во предизборието. Веќе минува првата година од кога СДС е на власт, а од повратот на ДДВ од 15 проценти нема ни трага ни глас. СДС во изминатиот период ги покажа своите приоритети. За СДС единствен приоритет е богатењето и лускузирањето на своите функционери, а не доброто на граѓаните. Граѓаните ниту биле приоритет на СДС ниту некогаш ќе бидат.
Со најголемиот буџет во македонската историја СДС имаше доволно пари за патните трошоци поголеми за 5.2 милиони евра повеќе од минатата година, пари кои ќе се трошат за покривање на скапите патувања на функционерите од власт. Додека за ветувањата кон граѓаните нема ниту денар. Токму таков е и случајот со повратот на ддв од 15 проценти кои СДС го ветуваше.
Владата на Зоран Заев и прес центарот на СДС може да ги повторува своите ветувања уште илјада пати, но граѓаните повеќе не им веруваат. СДС ветуваше дека ќе ги врати парите кај граѓаните, а со секој потег само дополнително ги осиромашува. СДС ветуваше дека парите ќе им ги врати на граѓаните со повратот на ддв, а наместо да ги врати им ги зема со новите акцизи за нафтата“ се вели во соопштението на ВМРО-ДПМНЕ.