„Венко Филипче е потрчко на Зоран Заев и тој едноставно не може да биде новото лице на СДС. Филипче е човекот на кој му изгореа 14 лица во модуларната во Тетово и тој не понесе одговорност. Филипче е човекот кој за време на короната ја стави Македонија високо на светската и европската листа, но по број на умрени луѓе. На ниво на свет ја стави Македонија на високото петто место по број на починати, а на нив на Европа по број на починати на еден милион на високото четврто место“ реагираат од владејачката ВМРО-ДПМНЕ по ставовите што Филипче ги изјави денеска на 30-от конгрес на партијата.
„Фани Каранфилова Пановска која сака да ја продаде како нов лик е претседателка на Сорос Македонија. Каранфилова Пановска не е никаков нов лик, ниту лице заинтересирано за општо добро. Неа и се важни само парите или како директор на македонски Сорос, според јавно достапните информации месечно зема скоро 3.500 илјади евра“ велат од партијата.
Во реакцијата се вели дека „луѓето на Филипче се истите луѓе на Заев кои се второ име за корупција и криминал, воедно и назадување на Македонија на секој план“.
„Филипче, неврохируругот на Заев и 40 потрчковци се само синоним за корупција и криминал што резултираше со тонење на Македонија“ стои во реакцијата на ВМРО-ДПМНЕ.
