ВМРО-ДПМНЕ со писмено соопштение реагира на прес-конференцијата на Костадин Костадинов од СДСМ.
„СДСМ ја зацрнува иднината на државата. Власта ги користи политички конструираните случаи против невино обвинети лица за политички пазарења, нешто што го видовме последниот пат при собирање на мнозинство за гласање на уставните измени.
Црната власт се однесува како УДБА од 50 – тите години на минатиот век. Институциите се користат како алатка за политички прогон, а владеењето на правото е дерогирано.
Црното владеење на СДСМ резултира со политички затвореници и криминал по улиците.
Црната СДСМ е виновна и за зголемување на криминалот и на неговото ненавремено расчистување.
Одговорност за овој правен хаос мора да има. Државата не е посед на СДСМ, институциите не се партиска испостава. Одговорност ќе има“ се вели во реакцијата на ВМРО-ДПМНЕ.