„Сценариото за насилство и меѓуетнички тензии на ДУИ и СДС е откриено, разбиено и поразено. Целта на СДС и ДУИ е да ги заштитат личните интереси, а обидите за раздор се само инструмент за да си ги остварат политичките цели, наместо да бидат конструктивна опозиција и да работат за благосостојбата на граѓаните. СДС и ДУИ се обидуваат да создадат амбиент на нестабилност се со цел нивните криминални афери да не се обелоденат“ соопштија утринава од ВМРО-ДПМНЕ.
Од партијата се со став дека „потезите на СДС и ДУИ вклучуваат манипулирање со симболиката на македонското знаме, СДС и ДУИ очајнички се обидуваат да дефокусираат од нивните контроверзни дејства во страв и агонија од соочување со правдата“.
„Сите обиди на СДС и ДУИ за креирање раздор нема да бидат толерирани, а сите оние кои се обидуваат да ја загрозат стабилноста на македонското општество ќе се соочат со соодветни правни реперкусии и соодветен одговор на институциите. ВМРО-ДПМНЕ апелира до граѓаните да не подлегнуваат на ваквите црни сценарија и маневри на СДС и ДУИ кои имаат за цел дефокус и креирање вештачки кризи“ велат од ВМРО-ДПМНЕ.