ВМРО-ДПМНЕ бара директен пренос на Комисијата за уставни прашања.
„Во процес сме на уставни измени, бараме да се создадат услови за јавноста да ја следи дебатата преку директен пренос“, рече координаторот на пратеничката група на ВМРО-ДПМНЕ, Никола Мицевски.
Претседателот на Собранието, Талат Џафери образложи дека е доволно што се присутни медиумите. Потоа по барање на ВМРО-ДПМНЕ седницата беше прекина, со најава дека ќе продолжи за еден час.
Со денешната расправа на Комисија за уставни прашања за четирите нацрт-амандмани, уставните измени влегуваат во втората фаза. Расправата ќе трае во следните 12 дена. Пленарната седница претседателот на Собранието, Талат Џафери, ја закажа за 1 декември.
Галена Николовска-Ризвановиќ