Граѓаните за Самитот во Чикаго

Од:

Самитот на НАТО главна тема и во секојдневните муабети на граѓаните. Најголем дел од нив разочарани бидејќи Македонија и годинава остана извисена од големите сили.

За едни виновна е само Грција. Другите пак, се сомневаат во актуелната политика и бараат подобро претставување на земјава пред светот.

Сепак, речиси сите се согласуваат дека НАТО, во овие моменти, кога безбедноста во државата останува кревка, НАТО е најдоброто решение и единствената шанса за Македонија.

Оние кои се против НАТО, објаснуваат дека нема што да бараме во Сојузот ако таму не не сакаат.

И покрај јавното мислење, Премиерот, наместо на Самитот во Чикаго, сепак се одлучи да остане дома. Граѓаните со оправдување и за него. Велат и онака патувањето ќе било бесцелно.

И на самитот во Чикаго, повторени се заклучоците од Букурешт. Членство за Македонија во НАТО, нема, се додека не се затвори спорот за името со Грција. Иако беше адут во рацете на македонските власти, не помогна ниту пресудата на Меѓународниот суд на правдата, според која Грција во Букурешт ја прекрши Времената спогодба и го спречи влезот на Македонија во НАТО.

Граѓаните остануваат согласни, НАТО е единствената гаранција за безбедноста во земјава.

Јасмина Јакимова

Би можело да ве интересира

Четири години од членството во НАТО – Земјава не е само фактор на стабилизација на регионот, туку и поттик за државите во соседството

ВИДЕО: 25 години од НАТО нападот на Србија

Катерина Ѓуровски

Отворен ден на АРМ по повод годишнина од членството на Македонија во НАТО

А1он

Допис од НАТО покажува дека Ковачки бил одбиен за безбедносен сертификат, тој вели: Не сум бил одбиен, ниту сум го повлекол барањето

Александар Тодески

НАТО: Продолжуваме да ја поддржуваме Украина и да ја зајакнуваме одбраната, Русија е најголемата закана

Романскиот претседател Клаус Јоханис ја објави својата кандидатура за шеф на НАТО