Влен: ДУИ ги жртвува Албанците за да се спаси од кривична одговорност

Од:

ДУИ индиректно призна дека со сите сили и инсталации се труди да ја опструира работата на новата Влада само за да се спаси од кривична одговорност и да го заштити нелегално стекнатиот имот, велат од Влен.

– „Мувлата на ДУИ” не се достоинствените и чесните Албанци во администрацијата, туку нивните заслепени партиски војници на кои поважно им е криминализираното раководство во Мала Речица отколку правдата и функционирањето на системот. Синоним за „мувлата на ДУИ” е срамната спогодба на Иџет Мемети со „Абазиското обвинителство” за да добие условна казна за примање поткуп за олеснување на постапката за лице обвинето за шверц на цигари. Синоним за „мувлата на ДУИ” е да издејствуваш три правни акти за да го принудиш правосудниот систем да екстрадира поранешен борец на УЧК во Србија, пред да се изјасни Врховниот Суд, само за да предизвикаш тензии и да ги обвиниш ВРЕДИ. Синоним за „мувлата на ДУИ” е да најавуваш дека ќе го напуштиш ЗЕЛС наводно заради дискриминација на општините кои ги водат нивни градоначалници, а да немаш доблест, чест и образ да се оградиш од Рамиз Мерко затоа што е ставен на „Црната листа“ на САД. Ова деструктивно однесување на ДУИ е препознаено од мнозинството Албанци и ќе биде жестоко казнето“, се вели во партиското соопштение.

Би можело да ве интересира

Влен: Зијадин Села е жеден за внимание

ВЛЕН: Тетово не е пазар за Левица и ДУИ

Влен: Гласот за НАИ е глас за Левица

ВРЕДИ: Левица „сламката за спас“ на НАИ

ВЛЕН за Дебар: Мустафа Даути ја постави таблата на албански јазик на граничниот премин Блато

Предраг Петровиќ

Лeвица: Кандидатите на ВРЕДИ шират шовинистичка реторика и етничка омраза кон македонскиот народ