Сообраќајот на државните патишта се одвива тековно по влажни коловози. Слаб снег провејува во Маврово кој не се задржува на коловозот, а појава на магла со видливост од 50 до 100 метри има на Стража и Пресека.
Како што соопштија од ЈП Македонија пат, во клисурите и усеците можна е појава на помали одрони, особено на патните правци: Кочани – М.Каменица – Делчево, Виница – Берово, Гостивар – Стража, Маврово-Дебар-Струга, Д.Капија – Удово, Катланово-Велес, Крушево – Демир Хисар и Ресен-Буково.
Од Македонија пат апелираат на внимателно возење и прилагодување на брзината спрема условите на патот.