Сообраќајот на сите магистрални и регионални патни правци низ државата се одвива без забрани и ограничувања, по влажни коловози. Според најновите информации добиени од Диспечерско-информативниот центар на Ј.П. Македонија пат, слаби врнежи од снег се бележат во Маврово и Крива Паланка, но снегот не се задржува на коловозот.
Автомото сојузот на Македонија препорачува поголема внимателност на патните правци Дебар – Струга, Маврово – Дебар, Катланово – Велес и Демир Капија – Удово каде има почеста појава на одрони кои може да го попречат движењето на возачите.
Интензитетот на сообраќај на патните правци надвор од градските средини е умерен. На граничните премини нема подолготрајни задржувања за влез и за излез од државата. Во сила е законската обврска за поседување зимска опрема во возилата.