Оставката на Митко Чавков од функцијата министер за внатрешни работи и носењето на Оливер Андонов на негово место е последен обид на ВМРО-ДПМНЕ да раководи со целата полиција.
Чавков се враќа во Бирото за јавна безбедност за да може да раководи со криминалистичката, униформираната и граничната полиција, како и со специјалните полициски сили и други, бидејќи со измените на членовите 17 и 18 од Законот за полиција, оваа надлежност ја презема Бирото за јавна безбедност.
Смената на Митко Чавков е намерно направена денеска, за да може новиот министер, активистот на Граѓанското движење за одбрана на Македонија, Оливер Анднов да го назначи Чаков како началник на Бирото за јавна безбедност, бидејќи идниот министер за внатрешни работи од редовите на опозицијата тоа никогаш не би го сторил.
Власта ги прави овие кадровски промени со цел да го осигура управувањето со полицијата пред Оливер Спасовски да седне на министерската фотелја, бидејќи по назначувањето на Чавков, сите предлози за началник на БЈБ поднесени од Спасовски, владата ќе ги одбие.