Сите министри, заменици-министри, државни секретари и генералниот секретар треба на почетокот на јануари јавно да ги објават службените трошоци направени во претходните шест месеци.
Ваква информација, како што информираше владиниот портпарол Миле Бошњаковски, е усвоена на вчерашната владина седница.
– Во согласност со начелата на Влаадата за транспарентно и отчетно трошење на државните средства на владината седница се донесе одлука со која се задолжуваат сите министри, заменици министри, државни секретари и Генералниот секретар да достават информација за службените трошоци направени во рамки на нивниот буџет во првите шест месеци од поставување на функциите. Почнуваме со нив, а во наредната фаза, многу блиску ова ќе важи и за сите останати носители на функции, изјави портпаролот.