Во Буџетот за 2013 година ќе бидат обезбедени средства за покривање на трошоците за аплицирање за испитување патенти во меѓународни организации за пронајдоците во кои е вклучен барем еден странски иноватор, одлучи Владата на последната седница.
Како што појасни на денешната прес-конференција владиниот портпарол Александар Ѓорѓиев, одлуката е донесена во насока на поддршка на претприемништвото и иновациите, како модус за развој на бизнисите и подобрување на конкурентноста на компаниите.
– Министерството за економија ќе го определи учеството и во покривањето на трошоците за подмирување трошоци за организирање обуки на правни застапници за пишување и поднесување квалитетни меѓународни патент апликации, истакна Ѓорѓиев.