Министрите во Владата на денешната седница ја разгледаа и усвоија информацијата со статистички податоци за кривични предмети од областа на корупцијата за 2016 година, се наведува во соопштението на Владата.
Владата ги задолжи МВР, Управата за финансиска полиција, Управата за јавни приходи, Царинската управа, Управата за финансиско разузнавање и Министерството за информатичко општество и администрација, во рок од седум дена до Министерството за правда да достават номинации за членови на Работната група за преглед и ажурирање на Методологијата за релевантен статистички систем за мониторинг на анти-корупциска политика.
Во соопштението се додава дека тоа е во согласност препораките на Европската комисија, која врз основа на оваа статистика ќе се стекне со сознанија за справувањето со корупцијата во Македонија.