Ограда од ковано железо помеѓу бетонски столбови над два метри забрзано се поставува од задната страна на Владата.
Ова е прв пат, овој објект кој секогаш бил отворен да се оградува, а според сегашниот план на оваа влада, таканареченото барокно-неокласично здание треба да е целото оградено со метална ограда. Владата за овој зафат потроши 700.000 евра.
Оградата околу Владата ја гради скопската градежна компанија Бауер БГ, која беше ангажирана на повеќе проекти финансирани од државата, меѓу кои се и реконструцијата на владата на фасадата и новата ограда на мостот Гоце Делчев.
