Владата на денешната седница ја разгледа и усвои информацијата за овозможување содржина и емитување на македонски/албански јазик на телевизиските канали Спорт Клуб и Арена Спорт кои се регистрирани во нашата држава, информираат од „Илинденска“.
Владата ѝ препорача на Агенцијата за електронски комуникации, како надлежно тело, да формира работна група со релевантни институции и да пристапи кон изнаоѓање начин за спроведување на заклучокот за регулирање на јазичното покривање со официјален јазик, барем на спортските канали кои се реемитуваат на територијата на Северна Македонија преку јавни комуникациски мрежи и да ја извести Владата во рок од три месеци за оваа можност.