Генералниот секретеријат при владата ќе набавува специфични репрезентативни предмети за подарување.
За ова веќе објавиле јавен оглас на бирото за јавни набавки.
Освен накит, секретеријатот ќе подарува и сувенири, икони и резби, но и во деталниот опис на набавката има и ставка разно.
За подароците генералниот секретеријат планира да потроши 1.230.000 денари без вклучен ДДВ.
Генерален секретар на владата е Кирил Божиновски односно лицето кое раководи со генералниот секратеријат.
Во склоп на Генералниот секретеријат се четрнаесет сектори. Сектор за стручно-оперативна и логистичка поддршка на генералниот секретар, заменикот на генералниот секретар на Владата на Република Македонија и министрите без ресор, Сектор за економски политики, структурни реформи и инвестиции,Сектор за стратегија, планирање и следење, Сектор за анализа на политиките и координација, Сектор за организациони и нормативно правни работи поврзани со седниците на Владата, Сектор за човечки ресурси,Сектор за финансиски прашања, Сектор за внатрешна ревизија, Сектор за правни и други стручни работи, Сектор за односи со јавноста, Сектор за информатичка технологија, Сектор за општи работи, Сектор за документација и библиотека и Сектор за протокол и преведување.
Името на генралниот секретар на владата се спомнуваше и во дел од пресконференциите на СДСМ за наводни изборни малверзации.
Претседателот на СДСМ, Зоран Заев објави разговор помеѓу Кирил Божиновски и Гордана Јанкулоска за кој тврдеше дека токму тие двајца на Драгиша Милетиќ му даваат 225.000 евра во кеш.
Разговор помеѓу Гордана Јанкулоска и Кирил Божиновски
ГЈ: Ало.
КБ: Горде, вчера им дадов, плус 75.
ГЈ: Е па не знам на кој. А на кој му даде? Оти јас Драги им го имам таму пратено, Драги…
КБ: Еве сега.
ГЈ: Ми се јави…
КБ: Ќе ти кажам за секунда. Вчера им дадов на овие, маливе етнички и тука вкалкулирав уште плус 75.
ГЈ: Е па дај…
КБ: Они бараа 150, ја им дадов 225.
ГЈ: Види, а бе не е, мислам јас и ти реков ако не 75, не е битно…него знаеш што е работата, јас не можам со вакви бандитски работи, ја лично да ги прашувам. И го пуштив Драги.
КБ: Да.
ГЈ: И сега они на него му вртат цело време, пошто глупо е министер за внатрешни да им речам: брат колку треба. Драги Стојановски од УМС што беше у Агенција…
КБ: А Драги, Драги…
ГЈ: Да.
КБ: Добро, сега, сега.
ГЈ: Он со Снајпер беше на линија.
КБ: Ама Снајпер не беше вклучен сега вториот пут, Спире беше вклучен.
ГЈ: Е па добро
КБ: Сега ќе искоординираме..
ГЈ: Нека се искоординираат
КБ: Ќе ти кажам кој ги има во Куманово
ГЈ: Добро бе, ништо само нека се искоординираат, пошто знаеш ние треба да ги притискаме утре, а неаме лице да им вртиме, сфаќаш.
КБ: Јасно. Ќе ти се јавам за секунда.
ГЈ: О.К. Важи, ајде, поздрав, чао, чао.