Владата на Република Македонија попладнево ќе ја одржи единаесеттата седница.
Како што соопшти владината прес-служба, Владата ќе расправа за начинот за решавање на долговите на МЖ Транспорт АД Скопје, ќе ја разгледа информацијата за продолжување на рокот на Јавниот повик до компании за пројавување на интерес за користење на стручна помош од странски експерти, а ќе се дискутира и за кадровски прашања, како и други прашања и предлози кои се во интерес на граѓаните.