Владата на вчерашната седница донесе заклучок сите министерства во рок од 2 недели да достават информации до Владата за критериумите според кои државните службеници ќе се бираат и учествуваат во работата на управни одбори, совети, комитети и државни тела.
Откако министерствата ќе ги достават информациите, владата ги задолжи Министерството за информатичко општество и администрација и генералниот секретаријат на Владата да излезат со заклуок.
Ова следува откако во јавноста беа објавени информации дека нема јасни критериуми за ангажирање на државните службеници надвор од нивното работно време во овие тела.