Најавената иницијативна средба помеѓу претставниците на Владата и на УКИМ во врска со разговорите за високото образование ќе се одржи денеска во Владата во 12:30 часот.
На средбата треба да се разговара за подобрување на квалитетот на високото образование.
На средбата се повикани и претставници на Студентскиот пленум. На студентите им е соопштено дека тема на разговор ќе биде изготвување на нов Закон за високо образование.
Без разлика на состанокот, студентите сметаат дека ова е обид на премиерот да ги спречи во нивното понатамошно делување.
