Владата на Република Македонија денеска го дополни огласот за ангажирање лица на раководни позици во државната управа и за членови во управните и надзорните одбори објаен на 14 јуни со уште една позиција, а тоа е амбасадор на Република Македонија во Бразил.
Портпаролот на Владата Александар Ѓорѓиев денеска информираше дека за оваа позиција кандидатите ќе може да аплицираат до 14 јули 2014 година, а за сите останати позиции кои се содржани во огласот остануваат рокот до 30 јуни 2014 година.
Тој ги повика сите кандидати кои ги исполнуваат условите од огласто и кои поседуваат квалитет и способност да аплицираат за амбадор на Република Македонија во Бразил.
На огласот за сите позиции, како што информираше, досега се пријавени 942 кандидати. – Ова е добра бројка и Владата е задоволна, рече Ѓорѓиев и додаде дека првичните проценки од поднесената документација покажува дека станува збор за лица кои поседуваат високи квалитети и способности.
Крајниот рок за пријавување на овој оглас е 30 јуни, а Ѓорѓиев ги повика сите квалитетни кадри да се пријават.
Огласот се однесува на ангажирање 379 лица за раководни позиции во државната управа и за членови во управните и надзорните одбори. Сто педесет и девет се за раководни позиции во државната управа, меѓу кои пет амабасадорски места, осум воени аташеа, 15 позиции на државни секретари во министерствата, над 20 директорски места на централни и државни органи, како и дваесетина позиции на директори на научни установи. Покрај ова распишан е и оглас за над 220 членови на управни и надзорни одбори во државни агенции, јавни претпријатија, клиники и тн.
Огласот се однесува за позиции кои веќе се испразнети и за места чиј мандат на сегашните раководни лица истекува во текот на годинава или на следните две години.