Вклучи-исклучи на струјата во ГТЦ: Менаџментот ветувал дека ќе го плати долгот, за дуќанџиите да не останат во мрак

Од:

Градскиот трговски центар добил предупредувачко исклучување на струјата и ветил дека долгот кон ЕВН ќе го плати, па повторно бил вклучен на мрежата. „Железници“ пак, влечат струја директно од енергетскиот систем и прават дисбаланс во системот на МЕПСО. Ова се последните состојби во овие два правни субјекти кои се во државна сопственост. ЕВН го губи трпението и смета дека исклучувањето на струјата е морално за да го наплатат долгот.

„МЖ Транспорт е повторно приклучен, меѓутоа рокот за снабдување преку ЕВН Хоме како краен снабдувач е изминат. Токму затоа, МЖ Транспорт во моментот нема снабдувач за електрична енергија и директно повлекува електрична енергија од енергетскиот систем, а со тоа предизвикува дисбаланс во системот на МЕПСО“, велат од ЕВН за „А1он“.

Без конкретен датум, од ЕВН велат дека постигнале договор со ГТЦ за и од нив да си ги наплатат побарувањата, чиј рок за плаќање е истечен одамна. Попладнево дуќанџиите кои редовно плаќаат сметки од трговскиот центар, на кратко, останаа без струја.

„ГТЦ беше исклучен поради доспеан долг, меѓутоа истиот е повторно приклучен по постигнат договор дека долгот ќе биде подмирен“, додаваат од ЕВН за „А1он“.

Без струја можат да останат и затворот во Идризово, Клинички Центар и други значајни институции. Премиерот Димитар Ковачевски кажа дека Владата обезбедува пари за да ги подмири неплатените долгови на институциите.

Би можело да ве интересира

ЕДС Инфо поинт: Просечната цена на струјата на HUPX берзата за петок 13.06.2025 изнесува 76,42 евра за мегават час, на МЕМО 76,27 евра за мегават час

Паметна енергетска одлука за вашиот бизнис – новите решенија од ЕДС

Не гледам причина за каква било промена на цената на струјата, вели Бислимовски

Шпанија и Португалија останаа без електрична енергија

Македонија има стабилен електро преносен систем, тврди Љатифи

ЕДС со нов менаџмент и нови иновативни пакети за снабдување со електрична енергија