Виктор Орбан со видео порака на митингот на ВМРО-ДПМНЕ

Од:

Унгарскиот премиер и претседател на ФИДЕС, Виктор Орбан, преку видео обраќање даде поддршка на митингот на ВМРО-ДПМНЕ.

-Драги македонски пријатели, почитуван претседател Мицкоски! Ви пренесувам поздрав од ФИДЕС-Христијанско-демократската партија. Ние сме членови во Европската Народна партија и треба да знаете дека можете секогаш да сметате на нас и таму. Ние, Унгарците, им должиме благодарност на членовите на ВМРО. Им должиме благодарност бидејќи во најтемните часови на миграциската криза, лидерите на ВМРО имаа храброст, мудрост и сила да ги заштитат Македонците, Унгарците и со тоа Европејците. Никогаш нема да го заборавиме пријателството со вас. Ние застануваме на вашата страна, го поддржуваме ВМРО и го поддржуваме вашиот претседател, порача Орбан.

Орбан изрази уверување дека Мицкоски и неговиот млад тим ќе успеат како што рече „да ги врати Македонците на патот на развојот и да им ја врати верата во иднината“.

-Пред вас е голема можност, но морате да бидете успешни во една сложена европска ситуација. Во таква сложена ситуација, секаде се потребни храбри и силни лидери. Лидери кои ја сакаат својата татковина, имаат искуство и не колабираат ни под притисок на надворешни сили. Ви честитам што успеавте да ја обновите својата партија. Јас сум убеден дека заедницата на ВМРО под раководството на претседателот Мицкоски и неговиот млад тим ќе успее да ги врати Македонците на патот на развојот и да им ја врати верата во иднината. Јас и мојата партија сме победиле и изгубиле на избори во минатото. Потоа повторно сме победиле и се вратиле. Немојте да ја заборавате старата мудра изрека: „Успехот не е конечен и неуспехот не е фатален, единствено важно е дали сме доволно храбри да продолжиме“, порача Орбан.

Би можело да ве интересира

Орбан: Интеграцијата на Украина во ЕУ би го попречила развојот на Унгарија

Орбан: ЕУ со опасен однос кон лидерите на Западен Балкан

А1он

Орбан: Нема да дозволиме да не принудат да го прифатиме членството на Украина во ЕУ

А1он

Орбан: Луѓето кои работат против интересите на Унгарија во Брисел треба да исчезнат од јавниот живот

Унгарија се повлекува од Меѓународниот кривичен суд

Орбан бара Европската унија директно да преговара со Русија