Викендов во Скопје 32 сообраќајки со 28 повредени

Од:

Во текот на изминатите три дена на подрачјето на СВР Скопје се случиле 32 сообраќајни незгоди од кои во две со потешки повреди се здобиле двајца пешаци, во 16 полесно се повредени 26 лица, а 14 поминале само со материјална штета.

Сообраќајната полиција во петокот изврши увид на 11 сообраќајни незгоди од кои во една потешко е повреден еден пешак, во пет со полесни повреди се здобиле пет лица, а пет се со последица материјална штета.

Како што информира за МИА самостојниот инспектор Драган Вељановски, во саботата извршен е увид на вкупно 14 сообраќајни незгоди. Од нив во една потешко е повреден еден пешак, во 10 со полесни повреди се здобиле 20 лица, а три се само со материјална штета.

Вчера е извршен увид на седум сообраќајни незгоди, од кои во една со полесни повреди се здобило едно лице, а шест се со последица материјална штета.

Во текот на изминатите три дена од страна на сообраќајната полиција, санкционирани се 44 возачи кои со возилото се движеле со брзина поголема од дозволената, 20 возачи што го управувале возилото под дејство на алкохол и се исклучени од сообраќај, тројца возачи кои поминале на црвено светло на семафор и 15 возачи кои за време на управување на возилото не го користеле сигурносниот појас или го користеле мобилниот телефон.

Санкционирани се и шест возачи на велосипед со мотор, мопед и мотоцикл кои не носеле заштитен шлем и 32 возачи го управувале возилото без возачка дозвола, односно нерегистрирано.

Со помош на специјалното возило пајак, во текот на овие три дена отстранети се 79 возила кои во поголема мера го попречувале нормалното одвивање како пешачкиот така и моторниот сообраќај.

Би можело да ве интересира

Поради сообраќајна несреќа сообраќајот од Битола кон границата со Грција се пренасочува преку селата Бистрица и Породин

Србин е осомничен за тешката сообраќајка со смртни последици која се случи кај Валандово

Горан Наумовски

Скопјанец со автомобил сакаше да повреди дечко и девојка од Италија, тврди Обвинителството

Тешка сообраќајка во центарот на Скопје: Повредени докторка и здравствен работник, повреден пациент почина во болница

Во сообраќајка загина мигрантка од Кина, седуммина се повредени

Горан Наумовски

Поради сообраќајка во прекин сообраќајот на регионалниот пат Удово – Валандово

Горан Наумовски