Поради изведувањето градежни работи на дел од улицата „Перо Наков“, утре и задутре, ќе се воведе привремен сообраќаен режим, а сообраќајот ќе се одвива наизменично, со физичка регулација.
Од Градот Скопје информира дека за време на викендот ќе се асфалтира крстосницата на улицата „Благоја Стефковски“ со улицата „Перо Наков“ и улицата „840 БИС“. Во недела, сообраќајот ќе биде забранет од крстосницата на улицата „Перо Наков“ со булеварот „Киро Глигоров“ (поранешниот булевар Војводина) до претходно споменатата крстосница.
Автобусите на јавниот градски превоз на линиите со број 3Б, 23 и 54 ќе бидат пренасочени преку булеварот „Киро Глигоров“, булеварот „Александар Македонски“ и улицата „Благоја Стефковски“.
Градот Скопје апелира до сите учесници во сообраќајот додека се изведуваат градежните работи на улицата „Перо Наков“ да се придржуваат на поставената патна сигнализација и да ја приспособат брзината на движење на условите на патот.
