Првата фаза од авионската дезинсекција против возрасни форми на комарци на подрачјето на градот Скопје ќе се реализира утре и в недела, во раните утрински часови, информират градските власти.
Како што посочуваат од Градот, доколку временските услови не дозволуваат да се прска, авионската дезинсекција ќе се изврши првиот нареден ден, кога временските услови ќе бидат поволни, во истиот термин, а согласно на тоа ќе се извршува и терестричната дезинсекција.
Градските власти ги известуваат пчеларите навреме да ги преземат потребните мерки за заштита на пчелите.Град Скопје во текот на минатата недела реализираше авионска дезинсекција против ларви од комарци.