Тринаесет лица биле полесно повредени во 10 од вкупно 21 сообраќајка случени во текот на викендот на подрачјето на СВР Скопје, а во 11 била причинета материјална штета.
Од МВР информираат дека вчера сообраќајната полиција открила и санкционирала поголем број прекршоци. Седумдесет и четири возачи се движеле со брзина поголема од дозволената, двајца возачи поминале на крстосница на црвено светло, еден возач не дал првенство на минување на пешаците на обележан пешачки премин, 10 возачи за неправилно престројување, шест возачи за неправилно престигнување и тројца возачи за некористење заштитен шлем. Затекнати биле 229 непрописно паркирани возила.
Од сообраќај биле исклучени 137 возачи кои го управувале возилото под дејство на алкохол, 43 возачи пред да се стекнат со право на управување на моторно возило и 26 почетници, како и 40 нерегистрирани возила.
Со помош на специјалното возило пајак, отстранети биле 131 возило.
