Клубот на Жени на СДСМ од Битола заедно со клубовите на жени од партиите во опозициониот фронт, организираа протест.
„Во овие 21 година независност Битола 13 години е под власт на ВМРО ДПМНЕ. Не случајно го избравме местото каде што го организираме овој протестен собир, споменикот на Филип II, во знак на протест и со цел јасно и гласно да кажеме, работите веќе неможат да продолжат вака.На Битола и е одземена иднината“, рече весна Бендевска.
Битола , рече, е град со рекордна сиромаштија и рекорден број невработени.
„Секој ден лаги и манипулаци, секој ден казни и притисоци.Работите мора да се променат. Токму затоа се собравме во очи на големиот празник да кажеме ДОСТА Е, КРЕВАМЕ ГЛАС!Работите ќе се менуваат на подобро. Битола може и мора да биде град со европска иднина. Битола и може и треба да биде вистинска метропола.Дозволете на крај во мое лично име и во името на другарките од Клубот на Жени на Социјалдемократскиот сојуз да го честитам големиот празник на граѓаните на општина Битола“, рече Бендевска.