Денешната прес конференција Андреј Жерновски ја одржа пред новиот рингишпил во центарот на Скопје.
Вчера, рече го повикавме Владимир Тодоровиќ да каже дали ќе се натпреварува, дали има концепт. Од него, вели, нема одговор.
„Ги посетивме сите штабови сите се затворени, промотивната страна на Тодоровиќ на ФБ е затворена, полека се отстрануваат неговите билборди. Зошто служи овој круг на гласање, зошто го прави ова владеачката структура“, праша Жерновски.
Ова прегласување, вели, требаше за да се добие потребното време за да може до крај да заврши обезличувањето и нагрдувањето на нашиот град.
„Овој рингишпил не е синоним на модерна, урбана општина, туку синоним на панаѓур. Многу споменици се ставија кога беше јасен поразот на Тодоровиќ. Денеска има нов пред МКЦ. Добра вест е бидејќи остануваат уште 4 дена до моментот кога граѓаните ќе стават крај на ова обезличување и лудило. Од понеделник ќе градиме современа општина“, вети Жерновски.
Катерина Цаневска Арсовска