Кандидатот за градоначалник Андреј Жерновски јасно и порача на власта дека овој пат нема да им дозволат да ја украдат победата.
„Во Центар живеат достоинствени луѓе. Центар не може да се купи со пари, брашно и јајца. Центар има гордост“, рече Жерновски.
Посочи дека за него и неговото семејство меѓу двата изборни круга, власта истури куп лаги, кои рече беа контра продуктивни. Со ова само го отркиваат стравот.
„Во недела Пустец ќе биде пуст. Жителите на Пустец ќе бидат во Центар, но знам дека Центар нема да дозволи некој кој не живее во нашата држава да им бира градоначалник“, рече Жерновски.
Во првиот круг, рече Жерновски не победив јас или советниците, победија граѓаните. Затоа ги повика жителите на Центар масовно да излезат и да ја потвдат победата од првиот круг.