Ќе се воведе работа во втора смена на институциите, за добивање информација од државните институции наместо еден месец ќе се чека 15 дена, седница за пратенички прашања ќе се одржува една неделно, МРТВ ќе мора да организира дебати на кои задолжително ќе ја кани и опозицијата.
Ова се дел од решенијата што СДСМ ветува дека ќе ги спроведува ако на изборите во април дојде на власт.
Предлозите од проектот „Визијата за Македонија“ пред граѓаните денеска ги соопштија партискиот лидер Зоран Заев, заменик претседателот Радмила Шекеринска и Драган Тевдовски, претседател на партиската Комисија за економски прашања на трибина што се одржа во сала во Скопски саем.