Со интонирање на државната химна и говор на лидерот на СДСМ, почна 23. конгрес на владејачката СДСМ на која треба да биде потврден Стево Пендаровски како кандидат за претседател предложен од коалицијата од 30-ина партии. 783 делегати се присутни на денешниот конгрес кој се одржува по утринскиот централен и извршен одбор на партијата.
Лидерот на партијата и премиер, Зоран Заев, пред присутните го претстави Стево Пендароваки како најдобар избор за победа на претседателските избори.
„Убедени сме дека тоа е наш избор за победа“, рече Заев во воведниот говор на конгресот.
Лидерот ба партијата рече дека Пендаровски е кандидат за претседател за сите граѓани.
„Ќе одиме долж и попреку за да го поддржиме Стево“, кажа Заев.
„Стево е личност со интегритет, со темелно политичко и професионално искуство“, рече Заев пред присутните делегатини гости и дополни дека Пендаровски е најдобрата опција за концептот „Едно општество за сите“.
Заев им заблагодари и на Радмила Шекеринска, Оливер Спасовски и Никола Димитров и рече дека тие се многу важен дел во водењето на процесите во земјата. Заев рече дека тие биле „предната влеча“.
Пендаровски беше поздравен со громогласен аплауз од присутните делегати. Тој е најавено дека ќе се обрати на крајот на конгресот.
Васко Маглешов