(ВИДЕО) Заев: Определивме 15 милиони евра против аерозагадувањето, преку нив 10.000 домаќинства ќе добијат инвертери за замена на грејните тела

Од:

Претседателот на Владата на Република Северна Македонија, Зоран Заев, во изјава за медиумите пред почетокот на владината седница во Тетово, даде одговор на новинарски прашања поврзани со владините мерки против аерозагадувањето:

„Десет милиони евра најдовме пари. До два милиони евра определуваме во буџетите, директно за еколошки програми. Ги зајакнавме сите програми на екологијата. Парите не одат во споменици, музеи, одат во гасификација. Спомнавме, само 29 милиони за 76-те километри за овој северозападен дел од државата. Да не зборувам за сите филтри, интервенциите во училиштата. Апелираме до граѓаните, барем оние побогатите да ги сменат системите за греење. Никојпат, никој не носел вакви одлуки. „Југохром“ е затворен“, рече премиерот Заев посочувајќи дека Владата презема мерки чија цел е заштита на здравјето на сите граѓани подеднакво.

„Југохром“ додека не се стават филтрите нема да функционира. Сите мерки покажуваат дека сите сме насочени да го решаваме прашањето заедно. Треба централната власт, локалната власт и граѓаните сите заедно да го решаваме. Знам дека граѓаните не очекуваат од утре решение, но сите овие чекори кои ги преземаме се сериозен импакт којшто го даваме во општеството и верувам дека годините кои доаѓаат пред нас ќе бидат успешни во борбата против аерозагадувањето“, рече премиерот Заев.

Тој посочи и дека очекува успешна имплементација и на мерката за замена на старите грејни тела со инвертори и додаде дека очекува законските постапки да бидат запазени и кон крајот на ноември граѓаните ќе можат да аплицираат за да го остварат правото за инвертори, по точно посочени локации.

„Бројката е 10.000 граѓани, тоа не е малку, за Скопје, Тетово, Кичево и Битола. Многу е важно целата таа бројка да биде максимално искористена“, рече премиерот Заев кој најави и следната година продолжување на оваа мерка со многу поголеми средства.

„Знаете дека определивме 40 милиони од 87 милиони, којшто ЕЛЕМ или сега ЕСМ ги има на својата сметка, за да враќа кон екологијата, подвлече премиерот Заев најавувајќи дека сите креативни мерки предложени од експертите ќе продолжат, согласно светските анализи за температурните разлики на ладењето на земјиштето и движењето на загадувањето во котлините.

„Да видиме дали од овде можеме да „нападнеме“ со некои конкретни мерки, кои светот ги презема за да може навистина тоа да се ослободи. Сето тоа претставува еден целосен фокус на Владата не само наративно, на зборови туку со конкретни пари. Знаете дека некогаш е тешко и 500.000 евра, или еден милион евра да определите. Определивме повеќе од 15 милиони евра буџетски пари, пари од државата за да можеме да успееме со резултатите секоја година, дел по дел, за да се успее во борбата против аерозагадувањето“, истакна претседателот на Владата.

Во однос на заштитата на одредени национални паркови и подрачја, премиерот Заев оцени дека се стопирани и се преиспитуваат сите одлуки за кои постои сомнеж дека можат да наштетат.

„За нас нема поважно од здравјето, од еколошките аспекти. Ако треба државата во следните три години наместо да изгради 20, 30 мали хидроцентрали, нека изгради 10-15, но еколошки да биде заштитено подрачјето“, оцени премиерот Заев подвлекувајќи дека Владата транспарентно и внимателно ги следи сите реакции и презема конкретни мерки заедно со надлежните институции.

Би можело да ве интересира

(ВИДЕО) Спасовски: Да се донесат законите во Собранието, па да се оди на избори

Ана Ололовска

Лизгалиштето во Тетово останува недостапно за користење

Ана Ололовска

Османи и Димитров во Париз на средба со Моншален

Ана Ололовска

(ВИДЕО) Спасовски-Каевски: Заедно со компаниите обезбедуваме 10 милиони евра дополнителни средства за спортот и спортистите

Ана Ололовска

Спасовски: На местото на Мизрахи опозицијата нека предложи некој од пратениците кои гласаа за Протоколот за НАТО

Маја Илиевска-Пачемска

Османи и Димитров ја започнаа работната посета на Париз на средба со Клеман Бон

Ана Ололовска