„В недела, гордо, свечено и достоинствено, излезете на вашите избирачки места и гласајте според вашето лично убедување без да подлегнувате на бројни притисоци, уцени и закани. Вие сте апсолутно господари на пултот за гласање, вие одлучувате за вашата иднина, за иднината на вашите деца и за иднината на општина Струмица, а со тоа и за иднината на Република Македонија.
– Вашиот глас и вашата доверба ја заслужуваат најдобриот кандидат за градоначалник и најдобрите кандидати за советници. Вие знаете за кого треба да гласате, со кого треба да ја славите победата и со кого ќе го реализирате понатамошниот прогрес на нашата заедничка општина Струмица, рече во своето последно обраќање градоначалникот на Струмица Зоран Заев и кандидат за трет мандат на општина Струмица.