„Политиката и правото само случајно имаат иста почетна буква и толку – така е во целиот свет, но кај нас во Македонија, по директива на ВМРО ДПМНЕ тие имаат многу заеднички нешта, тие се испреплетени до тој степен што политиката станува политиканство, а правото не е право туку нешто сосема друго.
– Едноумието во Македонија произведува неправди на секој чекор. Така е и со локалните избори во Струмица. Но знаете, бесконечност нема во ништо, а има крај СЕ. Да потсетам – власта е одговорна за спроведување на изборите, таа носи одговорност за тоа како ќе течат изборите. Кај нас во Струмица, истата таа власт поднесува приговор на изборите и истата таа власт пресудува. Беше сосема очекувано дека Државната изборна комисија со мнозинство гласови од ВМРО ДПМНЕ ќе донесе политичка, а не правна одлука за трите СМЕШНИ приговори за изборите во Струмица“, изјави на денешната пресконференција Зоран Заев, кандидат за градоначалник на Струмица, од „Сојузот за иднината“.