„Во историјата на секој народ се случуваат подеми и падови кои го одредуваат правецот на развој на народот или државата на подолг рок. Но, во развојот на државата ништо не е однапред одредено, туку сé се случува како човечка промисла и преку идеи за подобра организација на општеството.
Кога нацијата доживува подем тогаш велиме дека таа расте и се развива. Кога државата доживува падови тогаш велиме дека таа назадува или, пак, исчезнува причината за која е создадена. Секогаш овие подеми или падови се поврзани со одлуки кои ги носат личности и институции кои знаат да ја повлечат нацијата напред или да ја вратат во минатото.
Навидум и нашата држава се обидува да го стори истото што го направија сите држави во регионот.
Патоказите се знаат, моделот се знае само правецот каде што не води нашето сегашно политичко раководство е нејасен“, изјави претседателот на СДСМ, Зоран Заев.
