30-годишниот Македонец кој денеска на пладне беше извлечен од морето е во добра здравствена состојба. И покрај што во водата беше околу 17 часа тој кога пристигна на копното каде што беше пречекан со аплауз беше во добра состоја и многу кратко им прозборе на новинарите од грчките медиуми кои го пречекаа на пристаништето.
Беше лоциран од товарен брод од Гибралтар денеска околу пладне по што беше преземен од грчките служби и пренесен на копно. Сместен е во болница.
Потрагата по третиот Македонец кој вчера заедно со неговите пријатели исчезна по влегувањето во вода прoдолжува. Едно момче на 25 години беше спасено вчера. Се огласи и МНР информирајќи дека конзулатот во Солун е во контакт со семејствата.
