(ВИДЕО) Владата нема да набавува нов авион: Ќе се молиме да останеме живи, вели Мицкоски

Од:

Премиерот Христијан Мицкоски изјави дека Владата се откажува од набавката на нов службен воздухоплов по критиките упатени од СДСМ, иако, како што нагласи, авионот би го користеле и идни влади, а не само актуелната.

Мицкоски истакна дека одлуката е донесена за да се избегнат дополнителни политички тензии, но предупреди дека прашањето за безбедноста и функционалноста на постојниот авион останува отворено.

„Ако се урнеме и починеме, тогаш ќе стане јасно зошто ни треба нов авион“, изјави премиерот, алудирајќи на состојбата на сегашниот воздухоплов.

Тој воедно го обвини претседателот на СДСМ, Венко Филипче, дека не го испочитувал договорот од лидерската средба, според кој, како што тврди Мицкоски, опозицијата немало да ја критикува Владата за евентуалната набавка на нов авион.

СДСМ преку писмено соопштение реагираше на изјавата на премиерот Христијан Мицкоски во врска со користењето на владиниот авион, обвинувајќи го за лицемерие и неодговорно трошење на јавни средства.

Од партијата велат дека „многу тажната приказна на премиерот ја довела до солзи половина Македонија“, алудирајќи на неговото образложение дека авионот бил набавен за хуманитарни цели. Според СДСМ, премиерот треба да објасни дали личните патувања на море со владиниот авион ги смета за „хумани“.

Во реакцијата се наведува дека хумано би било зголемување на платите на работниците на 600 евра, со оглед на тоа што, како што тврдат од СДСМ, граѓаните тешко ги покриваат основните животни трошоци.

СДСМ додава дека доколку премиерот има страв од летање со владиниот авион, може да користи комерцијални летови и економска класа, оценувајќи дека „нашата економија не е за бизнис класа“.

Од опозициската партија бараат Мицкоски да открие детали за приватното патување на Јадранското Море и да одговори кај кого престојувал. Воедно, го обвинуваат дека следи политички инструкции од странство и дека во јавните настапи користи реторика слична на регионални лидери.

Би можело да ве интересира

За закана кон Мицкоски притвор, за претепувањето на Сара не – Левица обвинува за селективност на институциите

Катерина Ѓуровски

(ВИДЕО) Мицкоски: Сите реформи од Реформската агенда ќе бидат завршени до декември

Мицкоски: Растот на индустрискиот промет и извозот се охрабрувачки сигнали

Горан Наумовски

Измените на Кривичниот законик треба да ги надминат последиците од решенијата на СДСМ и ДУИ, нема да важат ретроактивно

Катерина Ѓуровски

Мицкоски: Ќе се обидеме да нема алармантно поскапување на парното, ЕСМ ќе понуди иста цена на струјата како лани,

СДСМ: Мицкоски панично ја брани банката на Вучиќ, сака да се заташка случајот