ВИДЕО: Верниците без маски и дистанца на велигденска молитва во Бигорски манастир

Од:

Дел од верниците кои дочекот на Велигден го празнуваа во Бигорскиот манастир, не ги испочитуваа мерките за заштита од коронавирусот.

Додека ја слушаа црковната литургија, поради малиот простор и многуте верници, не можеше да се одржи дистанца меѓу нив. Според протоколите, посетата на верските храмови мора да е со задолжително носење на заштитни маски, но и оваа мерка не беше испочитувана.

Со маски беа неколку од посетителите на храмот и ниту едно свештено лице.

Голем број верници не беа во можност да ги слушаат литургиите и ги следеа онлајн преку преносите во живо. Дека наплив на посетеност има, забележително е и од снимките, каде се гледа дека верниците стојат и пред вратите, па дури и во влезовите на верските храмови.

Поглаварот на МПЦ, г.г. Стефан веќе повика празниците да се чествуваат со почитување на меркте за заштита од вирусот.

„Татковски повикуваме на трпеливо прифаќање и претпазливо чување на своето и на здравјето на другите, како и навремено примање на вакцини. Исто така, потребно е да се оддадеме и на постојана молитва: и за тие што боледуваат, и за тие што се трудат околу нив, како и за душите на оние коишто починаа од последиците на болеста“, порача Г.Г. Стефан, поглавар на МПЦ-ОА.

Вечерва се очекува и најголем наплив на верници да бидат во и пред црквите. Најголема посетеност се предвидува дека ќе има во охридските цркви. Охрид е веќе преплавен со туристи.

Би можело да ве интересира

Гаши: Велигден не потсетува дека меѓусебното почитување, солидарноста и добрината се суштински за напредокот на секое општество

Филипче: Велигден дава сила и надеж за справување со предизвиците, за нови и подобри почетоци

Мицкоски: Нека светлината на Воскресението биде водилка во нашите заеднички напори за изградба на праведно и хумано општество

Честитка од Сиљановска-Давкова по повод Велигден

Предраг Петровиќ

Велигденска Вокресна литургија во Католичката црква „Пресвето Срце Исусово“ во Скопје

Предраг Петровиќ

Г.г. Стефан: Ништо друго не може да ни даде сила и утеха освен надежта во воскресението