Поранешниот претседател на Собранието и претседавач на конститутивната седница, Трајко Вељаноски, го исклучи микрофонот на пратеничката од СДСМ, Јагода Шахпаска, додека таа говореше за неуспесите на ВМРО-ДПМНЕ.
Тој веднаш побара од службите да биде исклучен микрофонот и да го стопираат времето, и за разлика од односот кон пратениците од ВМРО-ДПМНЕ и коалицијата, тој на Шахпаска и објаснуваше дека нејзиниот говор не бил процедурален бидејќи не зборела за процедурата.
Вељаноски на 5. ден дебата, откако, наместо да се зборува за избор на членови на Комисијата за избори и менување, партиите си поделија меѓусебни навреди, се сети дека треба да ги бираат членовите.
Така, додека пратениците од ВМРО-ДПМНЕ држеа политички говори, тоа не беше никаков проблем, а кога пратениците од СДСМ им враќаа на навредите, тие веднаш беа прекинувани.