На дистанца и со маски, по една година пауза, верниците го дочекуваат Велигден на Плаошник во Охрид. Туристите кои изминативе денови го преполнија градот, вечерва празнуваат во црковните храмови. На 30 минути пред полноќ, реки од народ, река од народ доаѓа кон Плаошник.
Најмногу гужва има пред влезот на црквата. Поради желбата побрзо да се влезе во храмот, не се одржува дистанцата. Но, ретки се верниците кои не носат маски. Пред храмот, свештениците го регулираат влезот. Верниците меѓусебно си посакуваат празникот да им донесе здравје и среќа, но и како што велат, нормално празнување на Велигден од идната година.
Поглаварот на МПЦ, г.г. Стефан веќе повика празниците да се чествуваат со почитување на меркте за заштита од вирусот.
“Татковски повикуваме на трпеливо прифаќање и претпазливо чување на своето и на здравјето на другите, како и навремено примање на вакцини. Исто така, потребно е да се оддадеме и на постојана молитва: и за тие што боледуваат, и за тие што се трудат околу нив, како и за душите на оние коишто починаа од последиците на болеста“ порача Г.Г. Стефан, поглавар на МПЦ-ОА.