Илјада жители од десетина велешки села и во 21 век живеат отсечени од цивилизацијата. Со години бараат да им се асфалтираат полските патишта што се планираат во буџетите на Општината.
Тие беа планирани и во годинешниот буџет.
Наместо 16.800.000 денари за изградба и за реконструкција на локални патишта и на улици, локалните власти, за деветте месеци од годинава, за тоа потрошиле само четири милиони денари.
Зошто не ги исполниле ветувањата што им ги дале на граѓаните и каде се парите предвидени за изградба на овие патишта?
Сторијата е дел од проектот „It’s Your Money” на Фондацијата Метаморфозис која продуцираше шест кратки видео стории за трошењето на општинските буџети наспроти потребите на граѓаните.