Припадник на фашистичкото усташко движење ХОС, беше еден од лидерите на демонстрантите кои што вчера ги нападнаа пратениците во македонското Собрание, пренесува српски Курир.
Хулиганот кој што носеше маица на ХОС (Хрватски одбранбени сили) со натпис „За дом спремни“ влета во парламентот со маскираните демонстранти, пишува Курир.
Во текстот на Курир стои дека на дел од снимките од инцидентот јасно може да се забележи членот на фашистичкото усташко движење како ги напаѓа пратениците.
ХОС е формирано на почетокот на војната во Хрватска од страна на екстремните националисти Добрислав Парага и Анте Параџик. Бројните припадници на ХОС за време на војните на Балканот во деведесетите години носеа црни униформи и усташки симболи од Втората светска војна, пишува Курир.
