Унијата на млади сили на ВМРО-ДПМНЕ го одбележа 15-ти септември со пародија маски од Бранко Цвенковски, Зоран Заев, Радмила Шеќеринска, Јани Макрадули и Љубомир Фрчковски беа дел од претставата на скопскиот плоштад во која младите вмровци комбинираа цитати од Црвенковски, со сопствени иронинични гледишта и го повторија ставот на ВМРО-ДПМНЕ од изминативе неколку месеци дека Црвенковски е шеф на партијата а Заев и Шеќеринска само извршуваат наредби:
„Денес е голем ден, денес е 15-ти септември, денес народот ја зема судбината во свои раце, и Рада и Фрчко и Заев сите се мои деца. Го знам и Заев права тарабука, не ме слушаше за Глобал и ме избрука“.
Оној што го одглуми Бранко Црвенковски, но и Заев и Шеќеринска и не се претстави пред камерите е всушност Александар Трајковски.
Трајковски ја предводеше групата „непартиски верници“ во опсадата на општина Центар, а беше и предводник на маршот за семејство и детски колички.
Бојан Стојановски