Денес злосторникот се враќа на местото на злочинот! Откако Бранко ја уништи економијата на Македонија, а Прилеп го претвори град во беда и сиромаштија, град срам за прилепчани, денес повторно ќе ја бара вашата доверба, велар од УМС на ВМРО-ДПМНЕ.
Ние младите, велат, нема да дозволиме и нашата иднина да ја уништуваат транзициските политичари. Затоа сакаме да потсетиме на затворените прилепски фабрики кои оставија невработени неколку илјади граѓани, наши родители.
Да потсетиме на дел од лагите кои Бранко ги ветуваше, како на пример:
– “Македонија во која ќе нема ниту едно семејство, без барем еден редовно вработен”
– “Не смее во Македонија да има барем еден родител што не може да си го исшколува своето дете”
– “Македонија во која ќе нема ниту еден човек кој ќе се плаши дали може да го плати своето лекување”.
Ова се само дел, ги има многу, а Вие драги сограѓани ги знаете многу добро. Секој политичар мора да ги исполни своите ветувања дадени пред народот, затоа што народот е оној кој на крајот суди. Неисполнувањето на ветувањата на секој политичар скапо се плаќа!
Денес, во Македонија не може да најдете човек кој што му верува на Бранко Црвенкоски, но исто така не може да се најде ни прилепчанец кој му верува на Хари Локвенец бидејќи Хари и Бранко се различна форма, но иста содржина! Да го заштитиме Прилеп од оние кои во минатото го уништуваа.