Професорката на Факултетот за драмски уметности, Синоличка Трпкова рече дека ако треба и тие како професори ќе преноќат на факултетите а ако е потребно ќе им носат храна на студентите од Студентскиот пленум кои одлучија да преспијат на факултетите.
Според Трпкова слободата на универзитетот е слобада за сите граѓани. Студентите ја извојувале слободата за сите граѓани смета професорката.
„Ние сме привелигирани да бидеме дел од најголемиот историски настан на Македонија. Сите зборуваме за слободата, држиме говори, но никој не го направи тоа како што го направија студентите.
Ако имаме слобода во образованието, слобода да го кажеме тоа што сакаме, тогаш сме слободни. Студентите ја извојуваа слободата за сите нас, додека ние чекавме, им наоѓавме маани, ги критикувавме. Јас сум горда што сум професорка на овие деца, тие не водат сите нас. Респект за студентите на Република Македонија.
Ние ги поддржуваме во нивните барања. Ако треба да спиеме со нив ќе спиеме, ако треба да им носиме јадење ќе им носиме, зошто ние сме дел од нив а универзитетот е наш на студентите и професорите, ова е наш дом, ова е наша куќа“, рече Синоличка Трпкова.