Кумановските средношколци од петте средни училишта во Куманово, и денеска своето незадоволство го изразија на улиците во градот, но повторно без да бидат примени од надлежните во Регионалната канцеларија на Министерството за образование.
Со истото барање „Не за математика на државна матура“, поминувајќи по истите улици, стигнаа до продрачната единица на Министерството за образование и наука во Куманово, без да бидат примени од надлежните со цел да ги достават своите барања.
– Во период од дваесетина дена, треба да полагаме седум испити, и независно од сите нашите смерови, сите мора да полагаме математика. Искрено се надеваме дека нашите барања ќе ги земете како сериозен знак дека нешто не е во ред со воведување на математика за државна матура, велат матуранитите.
Матурантите утре ќе одлучат што понатаму со протестите.