Владиката Тимотеј пред заминување од Октиси рече дека овие луѓе биле изманипулирани од страна на радикални структури кои не биле својствени на македонскиот ислам.
-Лично мислам дека е инволвирана некоја трета страна. Овие луѓе се изманипулирани од страна на некои радикални структури нешто што не е својствено на македонскиот ислам. Има ли радикален ислам во околината на овие села? Јас не сум стручњак да можам да тврдам дали има или нема, но мислам дела ова е плод на такво нешто, рече Тимотеј.
-Црквата никогаш не употребувала сила и нема да употребува. Неоспорно е дека вие како жители на Октиси сте онеправдани, но зедовме обврска да работиме, да се сретнеме повторно и овој проблем кој подолго време тлее меѓу христијаните и муслиманите да го надминеме преку политички дијалог на демократски и достоинствен начин како што доликува и на муслиманите и на христијаните. Не можеме со сила да правиме убавина. Ова место нема да го загубиме, додаде Тимотеј.