(ВИДЕО) Тепачка во Собрание: Арбер Адеми со крвави раце откако фрлаше со предмети по пратениците

Од:

Претседателот на Комисијата за европски прашања, Арбер Адеми од ДУИ со предмети фрлаше кон пратениците на ВМРО-ДПМНЕ. Прво со шоља за кафе, а потоа и тацна фрлаше низ салата. Неофицијално, станува збор за кавга со Антонијо Милошоски. Откако Адеми се изнервирал, со предмети фрлал по него. Адеми фрлајќи со предметите се повреди, а почна да му тече крв и од раката.

Адеми, освен што фрла, замавнува и мава по пратениот Милошоски. Пратениците од ВМРО-ДПМНЕ му велат: „Каде се наоѓаш?“, додека тој продолжува со неговото агресивно однесување. Освен по Милошоски, Адеми удира и по рака на друг пратеник од опозицијата што се гледа од видеото.

Пратеничката Арта Биљали-Зендели се обидува да го тргне, влечејќи го наназад, со цел да престане со фрлање на предмети и удирање, но тој повторно се враќа. Пратеникот Зеќир Рамчиловиќ кога приметува дека пратеникот Миле Лефков снима, му става рака врз камерата. Во еден момент, интервенира и собраниското обезбедување.

Недостапен за коментар е Арбер Адеми, кој фрлаше со собраниски предмети кон пратениците и удираше кон нив. Тој не одговараше на повиците од „А1он“.

Би можело да ве интересира

(ВИДЕО) Масовна тепачка меѓу навивачите на Динамо и Хајдук

Синдикалците пред Собранието на Македонија побараа минималната плата да биде 500 евра

Собранието ја отфрли интерпелацијата за министерот Тошковски

Горан Наумовски

Насилници од Скопје со „бекатонки“ претепале две момчиња

Во Собранието пратенички прашања

Собранието ќе добие ново лого