(ВИДЕО) Тасевска: За 10 месеци отворивме 13 детски градинки, ги зголемивме платите за воспитувачките и негувателките

Од:

„Грижата за најмладите, за децата, е врвен приоритет на Владата предводена од СДСМ и премиерот Зоран Заев.

Тоа го потврдува и фактот дека од септември 2020 година до сега, за само десет месеци отворивме 13 нови детски градинки, а со тоа го зголемивме капацитетот на сместување за 840 деца“, рече Лидија Тасевска, пратеничка на СДСМ.

„До крајот на оваа година ќе бидат отворени уште 12 нови градинки и со тоа капацитетот ќе се зголеми за дополнителни 1.390 места.

За нас секое дете е еднакво важно, затоа подеднакво инвестираме во нови објекти за детска заштита и во урбаните и во руралните средини.

За прв пат децата од општините Босилово, Кондово, Брвеница, Прдејци, Разловци, имаат можност да посетуваат градинка во своето место на живеење.

Со вакво темпо, се приближуваме кон исполнувањето на нашето ветување пред граѓаните , а тоа е опфат на 60% од децата во предучилишно воспитание и образование.

Со посветена работа, веруваме дека до крајот на мандатот ќе успееме да го постигнеме овој процент.

Покрај изградбата на нови детски градинки, реконструкција и проширување на постоечките објекти и нивно опремување, истовремено, вложуваме и во јакнење на компетенциите на стручниот кадар, кој се грижи за нашите дечиња.

Затоа што тие директно придонесуваат во правилниот раст и развој на секое дете во посебна индивидуа.

Го вративме достоинството на професијата воспитувач која што беше заборавена години наназад. Ги покачивме платите на вработените во детските градинки во нашата држава за 21%, коешто е најголемо до сега.

Инвестирањето во најмладите е инвестирање во нашата иднина, затоа што тие се нејзини градители. Секој влог во нашата младина е влог за подобро утре на секој од нас и нашите идни генерации.

Затоа, продолжуваме посветено да работиме на унапредување на раниот детски развој којшто е клучен за понатамошниот развој на секое дете“, изјави Лидија Тасевска, пратеничка на СДСМ.

Би можело да ве интересира

Филипче: Мицкоски да одговори зошто со законски измени се брише одредбата за уплата на 6% во вториот столб?

Бројките се немилосрдни и ги демантираат СДС, ДЗС вчера објави дека реалната нето-плата во септември пораснала за над 5%

СДСМ: Крпен живот, кошничката се доближи до 71.000 денари – само за храна се потребни 26.000 денари

ВМРО-ДПМНЕ: Филипче и СДС продолжуваат со лагите и манипулациите за Алта банка, овој пат јавната аукција сакаат да ја претстават како тајна зделка

(ВИДЕО) СДСМ со амандмани бара 2.500 денари повеќе месечно за студентски оброк и стипендии од 8.000 денари

СДСМ: 51 милион евра не се префрлени во вториот пензиски столб – кривична одговорност треба да започне од Мемов